Les mots surlignés font l'objet d'une note
1Monseigneur, pour ce que du jour de votre despart
2de St Vallier, je fus mandé venir en ce lieu pour
3randre le service que je debvois à monsieur
4de La Chassorie mon honcle en une malladye
5quil avoit de laquelle ce jourdhuy matin, par la volunté
6de Dieu il est mort, je ne me suys peu
7acquitter de la promesse que je vous avoys faicte
8vous envoier à Valence le men faisoir de puys duquel
9je vous avois parlé ; toutesfoys avant que
10partir, jen donnay mesme charge aux consulz dudit
11St Vallier, ne scachant si à ce ilz ont
12satisfaictz, qu’a esté la cause que je vous
13ay faicte la presente pour vous supplier,
14mon seigneur, ne imputer la faulte à moy
15si lesdits consulz ne sen sont acquittés, car
16je suys garny de legitime excuse
17dont pour cest effect je vous supplie bien
18humblement mexcuser et me faire entandre votre
19volunté avec voz commandementz, lesquelz je
20metrey peyne dexequuter toute ma vye en vous
21randant humble service et daussi bonne volunté
22que je supplie le Createur vous donner,
23monseigneur, en par faite sainté, longue et heureuse
24vye. D’Alixan, ce IIIe fevrier 1574.
25Votre très humble et très hobeissant
26serviteur
27De Chabanes